Itsarnitsat eriagisassat nunami aalaakkaasut innarlerneqaqqusaangillat, allanngortinneqaqqusaa-natik nuunneqaqqusaanatillu tamakkiisumik ilaannakoortumilluuniit. Itsarnitsat eriagisassat nunami aalaakkaasut eqqaanni sanaartorneq, assallatserineq, innermik ikumatitsineq, tuperneq imaluunniit eqqaaneq inerteqqutaavoq. Eqqissisimatitsinermut inatsit naapertorlugu kulturikkut eriagisassap eqqissisimatitap ungataa 20 meterimik kaajallallugu innarliinnginnissaq siunertaralugu qanoq iliuuse-qarsinnaanermut killilersuuteqarpoq. Killeqarfiup iluani taamaallaat naasorissaanermut atatillugu iliuuserineqartartut pisuinnaallu aqqutissaanik pilersitsinissaq akuerisaapput. Naasorissaanermut atatillugu iliuuserineqarsinnaasutuat tassaapput nunap qavani passusineq, 15 cm-tut ititigisoq killigalugu nalimmatserineq, naggorissaaneq, naatitsineq kiisalu ivigartortitsineq. Eriagisassaq 2 meterinik kaajallallugu innarliisinnaasunik qanorluunniit iliuuseqartoqarsinnaangilaq. Immikkut ittunik allanik iliuuseqartoqarniatillugu Nunatta Katersugaasivia akuersisinnaavoq, soorlu: Naasorissaanermi iliuuserineqartarnik allanik, ujaraajaanissat, paasissutissiisutinik allagartaliineq, eqqaavinnik inissiineq allanillu eqqissimatitamik takuniaasut iluaqutigisinnaasaannik.
Nunatta Katerugaasiviata kulturikkut eriagisassat eqqissisimatitat ilisimaneqartut tamaasa allattugaatigai. Nunatta Katersugaasivianit taamaallaat takuneqarsinaapput allattukkanilu paasissutissanut naliliisinnaanermut tunngavissaqartuulluni. Kulturikkut eriagisassat eqqissisimatitat amerlasuut takujuminaassinnaapput. Ilaatigut tamanna pissutigalugu nunaminertanik atuiniarnernut qinnuteqaatit tamaasa Nunatta Katersugaasivianit takuneqartarput eqqissisimatitsinermut inatsimmut naapertuunnersut nalilerneqarniassammat.
Nunatta Katersugaasivianit Allagaateqarfianillu aasat kingulliit pingasut aluminiumik aatsitsiviliortoqassappat eqqorneqartussap nunataani, nalunaarsuivoq. Sumiiffiit pilersaarutit piviusunngortinneqassappata sunnerneqarsinnaasut misissuivigineqarsimapputtaaq. Misissuinerit soqutiginartorpassuarnik paasisaqarfiusimapput. Nunatta Katrsugaasivianit nalunaarusiortoqarpoq kulturikkut eriagisassat pillugit ersarissumik innersuussutilimmik.
Nalunaarusiaq uani atuaruk (kalaallisut naalisagaq)
Nalunaarusiaq tamakkiisoq (tutluttut)
