Illut eqqissisimatitat allanngutsaaliukkallu amerlanersaat nunasiaalernerup kingornanit pisuupput qisummillu sanaajullutik. Illut nappartariannanngorlugit tiktisitaasarsimapput (illut stokværkitut taaguutillit) imaluuniit qisuit tikisitat atorlugit illuliarineqartarlutik. Aserfallatsaalinerat oqaluuseritillugu eqqaamasariaqarpoq piffisap ingerlanerani Danmarkimi aserfallatsaaleriaatsit assigiinngitsut atugaasimasut nunatsinni aserfallatsaaliinermi aamma atugaasarsimassammata. Taamaattumik qanga nunatsinni orsumit qalipaasiortarsimanermi periusaasimasut ujartorneqartariaqanngillat kisiannili periutsit Skandinaviani atugaasimasut aallavigisariaqarlutik.
Qalipaataasinnaasumik nunatta pissarititaat atorlugit sanasoqartarsimanera ilisimaneqarpoq kisiannili illuni maanna suli piusuni atorneqartarsimanissaat nalileruminaappoq. Qalipaammik nunatta pissarititaanik akoorinikkut suliarineqartarsimasoq misilikkusukkukku Qeqertarsuarni naalagaasimasup Ph. Rosendahlip ilitsersuutaa pissarsiarisinnaavat.
Ukiut immaqa 200-tut amerlatigisut ingerlanerani aserfallatsaaliisoqartarsimappat takorloorluarne-qarsinnaavoq assigiinngitsorpassuarnik atuisoqartarsimanissaa, soorlu qalipaatit, kiffiutit Il.il. Taamaattumik ullumikkut qalipaat sorleq toqqassanerlugu nalorninarsinnaavoq. Nunatsinni ileqquu-simavoq Danmarkimi ineriartonneq malittaralugu, aatsaallu ukiuni kingullerni 30-ni pingaartumik katesugaasivinniit paasineqalersimavoq pisariaqanngitsoq qalipaat nutaaliaanerpaaq atussaallugu, kisiannili illup pisoqaassusaa eqqarsaatigalugu qalipaat illumut tulluarnerusoq atornissaa.
Illut aserfallatsaalinissaanut pisutsitit pillugit qalipaatillu sorliit illunut sorlernut tulluartuunersut Center for Bygningsbevaringimi Danmarkimiitumi pasiniaasoqarsinnaavoq. Linkit paasissutissanik pissarsiffigineqarsinnaasut:
Nunatta Katersugaasivianit Allagaateqarfianillu aasat kingulliit pingasut aluminiumik aatsitsiviliortoqassappat eqqorneqartussap nunataani, nalunaarsuivoq. Sumiiffiit pilersaarutit piviusunngortinneqassappata sunnerneqarsinnaasut misissuivigineqarsimapputtaaq. Misissuinerit soqutiginartorpassuarnik paasisaqarfiusimapput. Nunatta Katrsugaasivianit nalunaarusiortoqarpoq kulturikkut eriagisassat pillugit ersarissumik innersuussutilimmik.
Nalunaarusiaq uani atuaruk (kalaallisut naalisagaq)
Nalunaarusiaq tamakkiisoq (tutluttut)
